ອີງຕາມຂໍ້ມູນຈາກສະຫະພັນບານເຕະແຫ່ງຊາດລາວ (ສຕລ) ໄດ້ໃຫ້ຮູ້ວ່າ: ຄະນະບໍລິຫານງານສະຫະພັນບານເຕະແຫ່ງຊາດລາວ ໄດ້ຕົກລົງແຕ່ງຕັ້ງຄະນະນຳ ຄູເຝິກ ແພດ ແລະ ນັກກີລາທີມຊາດລາວ ເພື່ອກຽມເຂົ້າເຝິກຊ້ອມ ແລະ ກຽມຄວາມພ້ອມໃນການເຂົ້າຮ່ວມແຂ່ງຂັນເຕະບານ ເອເອັຟຊີ ອາຊຽນ ຄັບ 2019 ທີ່ປະເທດສະຫະລັດອາຣັບມິເຣດ (UAE) ຮອບຄັດເລືອກ ຮອບທີ 2 ເຊິ່ງຈະພົບກັບທີມຊາດມັນດິບ ໃນວັນທີ 6 ກັນຍາ ແລະ ວັນທີ 11 ຕຸລາ 2016.
ລາຍຊື່ຄະນະນຳ ຄູເຝິກ ປະກອບມີທ່ານ ປະສິດ ສຸພາບ ຮອງປະທານ ສຕລ ເປັນຫົວໜ້າຄະນະ ແລະ ຜູ້ຈັດການ ທ່ານ ວາລະກອນ ພົມພັກດີ ຫົວໜ້າຄູເຝິກ ທ່ານ ປອ. ເວີນສະຫວັນ ສີວິໄຊ ຮອງຫົວໜ້າຄູເຝິກ ສ່ວນນັກກີລາ ຜູ້ຮັກສາປະຕູ ມີ: ວັດທະນາ ແກ້ວດວງເດດ ຈິນຕະນາ ສຸກສະຫວັດ ຈາກ ລາວ ໂຕໂຢຕ້າ ທິບພອນໄຊ ອິນທະວົງສາ ຈາກ ລ້ານຊ້າງ ກອງຫຼັງ ຄຳພູມີ ຫານວິໄລ ຈາກຊ້າງນ້ອຍ ແສງດາວ ອິນທິລາດ ຈາກລ້ານຊ້າງ ມຸກດາ ສຸກສະຫວັດ ແທ່ນທອງ ພອນເສດຖາ ໄຊນະຄອນວຽງ ພົມມະປັນຍາ ຈາກລາວໂຕໂຢຕ້າ ທົດນິລາດ ສີບຸນເຮືອງ ບຸນຫຼຽນ ບຸນປະຈັກ ຈາກໄຟຟ້າລາວ.
ຂະນະທີ່ກອງກາງມີ: ປະເສີດສັກ ສຸລິຍະວົງ ໄມຕີ ສີຫາລາດ ພຸດດາວີ ພົມມະສານ ພັດທະນາ ສີວິໄລ ຈາກ ລາວໂຕໂຢຕ້າ ຄອນສະຫວັນ ສີຫາວົງ ມະໂນລົມ ພົມສຸວັນ ພຸດທະໄຊ ໂຄຈະເລີນ ຈາກລ້ານຊ້າງ ຈັນທະພອນ ແຫວນວົງສົດ ຈາກໄຟຟ້າລາວ ຕີ່ນີ່ ບຸນມະໄລ ຈາກ ປກສ ສ່ວນກອງໜ້າມີ: ຄຳແພງ ໄຊຍະວຸດທິ ຈາກລ້ານຊ້າງ ໂສພາ ໄຊຊະນະ ຈາກໄຟຟ້າລາວ ສິດທິເດດ ຂັນທະວົງ ຈາກລາວ ໂຕໂຢຕ້າ ສຸກຈິນດາ ນັດຜາສຸກ ຈາກ ປກສ
Post A Comment: