ສ່ວນຫຼາຍຂອງບັນດານັກສ້າງກົດໝາຍຂອງຣັດເຊຍ ໄດ້ລົງຄະແນນສຽງຮັບຮອງຂໍ້ຕົກລົງດັ່ງກ່າວ ຊຶ່ງໄດ້ຮັບການລົງນາມລະຫວ່າງ ຣັດເຊຍ ກັບ ຊີຣີ ເມື່ອເດືອນສິງຫາ ປີ 2016 ເປັນການອະນຸຍາດໃຫ້ຣັດເຊຍ ສ້າງຕັ້ງຖານທັບອາກາດ Hmeimim ເພື່ອດຳເນີນບັ້ນຮົບໜູນຊ່ວຍໃຫ້ແກ່ກອງກຳລັງຂອງປະທານາທິບໍດີ ຊີຣີ ບາຊາ ອາລ ອັສຊັດ.
ໃນຂະນະດຽວກັນ ຂ່າວສານ ຣອຍເຕີ ລາຍງານເມື່ອວັນທີ 9 ຕຸລານີ້ວ່າ ລັດຖະມົນຕີການຕ່າງປະເທດຣັດເຊຍ ແຊກເກ ລາບຣອບ ກ່າວຜ່ານໂທລະພາບຊ່ອງ 1 ຂອງຣັດເຊຍ ວ່າ: ຣັດເຊຍ ມີຄວາມສາມາດບົ່ມຊ້ອນ ເພື່ອປ້ອງກັນຊັບສິນຂອງຕົນຢູ່ໃນຊີຣີ ຖ້າຫາກວ່າ ສ ອາເມຣິກາ ຕົກລົງປະຕິບັດການຖິ້ມລະເບີດລົງໃສ່ສະໜາມບິນການທະຫານແຫ່ງ ຕ່າງໆຂອງຝ່າຍລັດຖະບານຊີຣີ
Post A Comment: