ວັນທີ 12 ຕຸລານີ້, ທ່ານດູເຕີເຕ ປະທານາທິບໍດີຟິລິບິນກ່າວວ່າ, ປະເທດຕົນເລິ່ມປັບປຸງນະໂຍບາຍຕໍ່ຕ່າງປະເທດ, ທັງໄດ້ຊີ້ນຳທ່ານເດວຟິນ ໂລເຣນຊານາ ລັດຖະມົນຕີກະຊວງປ້ອງກັນປະເທດຟິລິບປິນຢຸດການຊ້ອມຮົບຮ່ວມອາເມລິກາ-ຟິລິບປິນໃນປີໜ້າແລ້ວ.
ທ່ານດູເຕີ ເຕແມ່ນໃຫ້ທັດສະນະດັ່ງກ່າວຢູ່ສຳນັກງານໃຫຍ່ຕຳຫຼວດປ້ອງກັນຊາຍຝັ່ງທະເລຟິລິບປິນ. ຂະນະດຽວກັນກ່າວວ່າ, ຟິລິບປິນບໍ່ຕ້ອງການຍົກເລີກການພົວພັນພັນທະມິດການທະຫານກັບອາເມລິກາ.
ແຕ່ລະປີ, ຟິລິບປິນ ແລະ ອາເມລິກາໄດ້ຊ້ອມຮົບຮ່ວມ 3 ລະບົບ ຄື, "ເກາະແຂນກັນສູ້ຊົນ", ການຮ່ວມມືການຝຶກຊ້ອມເພື່ອກຽມສູ້ຮົບເທິງທະເລ ພ້ອມດ້ວຍການເຄື່ອນກຳລັງຂຶ້ນບົກຈາກທາງນ້ຳ, ພ້ອມກັນນັ້ນຍັງໄດ້ຊ້ອມຮົບຂະໜາດນ້ອຍ 28 ເທື່ອ. ການເຄື່ອນກຳລັງຂຶ້ນບົກຈາກທາງນ້ຳປີນີ້ໄດ້ຈັດຢູ່ເກາະລູຊົນ ແລະ ເກາະປາລາວອນຟິລິບປິນແຕ່ວັນທີ 4 ຫາວັນທີ 11 ຕຸລານີ້. ໃນໂອກາດຢ້ຽມຢາມຫວຽດນາມໃນທ້ານເດືອນກັນຍາແລ້ວນີ້, ທ່ານດູເຕີເຕ ກ່າວວ່າ, ການຊ້ອມຮົບຟິລິບປິນ-ອາເມລິກາເທື່ອນີ້ຈະເປັນເທື່ອສຸດທ້າຍໃນໄລຍະທີ່ຕົນດຳລົງຕຳແໜ່ງປະທານາທິບໍດີຟິລິບປິນ.
Post A Comment: